ByD3timesMyanmar
၉ လသား သားဦးကို ေပြ႕ဖက္နမ္းရႈိက္ခြင့္မရဘဲ ကြပ္မ်က္ခံခဲ့ရသည့္ ဖခင္
ဥပေဒမဲ့ေပၚလာသည့္ စစ္ေကာင္စီက ဥပေဒႏွင့္မညီဘဲ ကြပ္မ်က္ သတ္ျဖတ္မႈေၾကာင့္ ရန္ကုန္၊ လႈိင္သာယာမွအမ်ိဳးသားမွာ ရင္ေသြးငယ္ႏွင့္ ထိေတြ႕ဖူးျခင္းမရွိဘဲ ေသကြဲကြဲခဲ့ရသည္။
ဇူလိုင္ ၂၃ လင္းအားႀကီးအခ်ိန္ အင္းစိန္ေထာင္အတြင္း ကြက္မ်က္ခံခဲ့ရသူမ်ားတြင္ လူသိနည္းသည့္ ကိုေအာင္သူရေဇာ္လည္း ပါဝင္သည္။
ရန္ကုန္၊ လႈိင္သာယာၿမိဳ႕နယ္ ဆင္ေျခဖုံးရပ္ကြက္တစ္ခုတြင္ ကိုေအာင္သူရေဇာ္ ဖမ္းဆီးခံရစဥ္က ဇနီးျဖစ္သူ မထက္မွာ ကိုယ္ဝန္ ၂ လျဖင့္ က်န္ရစ္ခဲ့သည္။
အာဏာသိမ္းစစ္ေကာင္စီက သူ႔ကို ႀကိဳးေပးသတ္ျဖတ္လိုက္ခ်ိန္တြင္ “ျမတ္ဘုန္းခန႔္”ဟု အမည္ရသည့္ သားဦးေလးမွာ တစ္ႏွစ္သားအ႐ြယ္ပင္ မရွိေသးေပ။ မိသားစု ေတြ႕ဆုံခြင့္ ပိတ္ပင္ထားသျဖင့္ သားေလး ေမြးသည္ကိုသာ သိရွိခဲ့ရၿပီး ကေလးမ်က္ႏွာကို ေထာင္တြင္းသို႔ ေရာက္လာသည့္ ဓာတ္ပုံမ်ားတြင္သာ ျမင္ေတြ႕ခြင့္ ရရွိခဲ့သည္။ သားကို ကိုယ္တိုင္ကင္ပြန္းတပ္ခြင့္၊ ေပြ႕ဖက္နမ္းရႈိက္ခြင့္မရခဲ့ဘဲ စစ္ေကာင္စီ၏ ႀကိဳးေပးျခင္းကို ခံခဲ့ရသည့္ ဖခင္တစ္ဦးျဖစ္လာသည္။
ေထာင္တြင္းက ေပးစာ
ကိုေအာင္သူရေဇာ္ ေထာင္တြင္းေရာက္ရွိေနခ်ိန္တြင္ ကိုယ္ဝန္ေဆာင္ မထက္လည္း လႈိင္သာယာ စက္႐ုံတစ္႐ုံတြင္ မိသားစုစားဝတ္ေနေရးအတြက္ ႀကိဳးစား႐ုန္းကန္ခဲ့ရသည္။
ေတြ႕ခြင့္မရသည့္ အေျခအေနတြင္ ေထာင္အတြင္းႏွင့္ အျပင္ စာအဆက္အသြယ္ရွိခဲ့သည္။
ကိုေအာင္သူရေဇာ္က ဇနီးျဖစ္သူ မထက္ကို ငါးပူတင္းဟု ရံဖန္ရံခါ ခ်စ္စႏိုးေခၚတတ္ၿပီး စာထဲတြင္လည္း ထိုသို႔ သုံးႏႈန္းသည္ဟု ဆိုသည္။
ေထာင္ထဲမွ ဖခင္ျဖစ္သူက အနာဂတ္တြင္ သားေလးအတြက္ အလုပ္ ပိုႀကိဳးစားမည္ဟု စာေရးလာဖူးေၾကာင္း သိရသည္။
“အထဲမွာ ကုန္ေနရတဲ့အခ်ိန္ေတြအတြက္ အျပင္ေရာက္ရင္ ႀကိဳးစားၿပီး အလုပ္ေတြလုပ္ရမွာ ငါးပူတင္းေလးရယ္၊ နင္နဲ႔တူေအာင္ ဆုေတာင္းေပး၊ ငါ့နဲ႔တူရင္ အရပ္ပုၿပီး အသားညိဳမွာ၊ နင္နဲ႔တူရင္ေတာ့ အရပ္ရွည္ၿပီး အသားျဖဴမွာ” ဟု စာတြင္ ေဖာ္ျပထားေၾကာင္း သိရသည္။
ကိုယ္ဝန္ရင့္လာသည့္ ေနာက္ပိုင္းတြင္လည္း မီးဖြားရန္ ျပင္ဆင္ရျခင္း၊ ေငြေၾကးမေျပလည္ျခင္း၊ ပဲခူးတိုင္း ဒိုက္ဦးေထာင္သို႔ ေရာက္ေနသည့္ ခင္ပြန္းထံ သြားေရာက္ရန္ ေဝးလြန္းျခင္းစသည့္ အခက္အခဲမ်ားကို ဇနီးသည္ ရင္ဆိုင္ခဲ့ရသည္။
“သူမရွိေတာ့တဲ့အခ်ိန္တည္းက သိပ္ခက္ခဲတာပဲ၊ ကိုယ့္မိဘေတာ့ရွိတယ္၊ ကိုယ့္မိဘေတြကလည္း ေျပလည္တဲ့ အသိုင္းအဝိုင္းက မဟုတ္ဘူး” ဟု မထက္က ေျပာသည္။
သားေလးေမြးၿပီးေနာက္ လသားအ႐ြယ္ကေလးငယ္ကို မိသားစုဝင္မ်ားထံ အပ္ႏွံ ထိန္းေစၿပီး စားဝတ္ေနေရးအတြက္ မထက္ စက္႐ုံတြင္ အလုပ္ဆင္းရျပန္သည္။
ထို႔ေၾကာင့္ ဇူလိုင္ ၂၂ တြင္ စစ္ေကာင္စီက ေသဒဏ္က်ခံထားရသူတခ်ိဳ႕ကို မိသားစုဝင္မ်ားႏွင့္ ေတြ႕ဆုံခြင့္ ႐ုတ္တရက္ေပးလာရာ မထက္က လုပ္ငန္းခြင္တြင္ ေရာက္ေနသည္။
ခင္ပြန္းသည္ ကြပ္မ်က္ခံရသည္ဟူေသာ သတင္းမွာ ၂၅ ရက္ေန႔ စစ္ေကာင္စီသတင္းစာတြင္ ပါလာသျဖင့္ သတင္းစာဖတ္ပရိသတ္ၾကား အုတ္ေအာ္ေသာင္းတင္းျဖစ္သြားေသာ္လည္း လုပ္ငန္းခြင္ေရာက္ေနျပန္သည့္ မထက္က ခ်က္ခ်င္းမသိခဲ့ဟု ဆိုသည္။
“အလုပ္ျပန္ဆင္းလာမွ သိရတယ္၊ သူ႔အေမက ဖုန္းေခၚထားလို႔ ျပန္ေခၚၿပီး အေမဘာျဖစ္လို႔လဲ ေမးေတာ့ အေမက နင့္ေယာက္်ား မရွိေတာ့ဘူးတဲ့” ဟု မထက္က ေျပာသည္။
ထို႔ေၾကာင့္ စစ္ေကာင္စီတပ္သားမ်ားက ကိုေအာင္သူရေဇာ္ကို ၂၀၂၁ ဧၿပီတြင္ ဖမ္းဆီးခ်ဳပ္ေႏွာင္ခဲ့သည့္ ၁၅ လအတြင္း ဇနီးသည္က သူ႔ကို ေတြ႕ခြင့္မသာခဲ့သလို သူကလည္း ဇနီးျဖစ္သူကို ေတြ႕ခြင့္မရခဲ့ေပ။
မိသားစုဝင္တို႔က ေထာင္သို႔ သြားၿပီး ပစၥည္းပို႔ခြင့္ရွိေသာ္လည္း မ်က္ႏွာခ်င္းဆိုင္ ေတြ႕ဆုံခြင့္ကိုမူ အဖမ္းအဆီး ဆက္တိုက္လုပ္ေနေသာ စစ္ေကာင္စီက ကိုဗစ္အေၾကာင္းျပၿပီး ပိတ္ထားဆဲျဖစ္သည္။
ေႏြဦးေတာ္လွန္ေရး သူရဲေကာင္းမ်ား
ကိုေအာင္သူရေဇာ္ ျမင္ေတြ႕ခြင့္မရခဲ့သည့္ သားျဖစ္သူ ေမာင္ျမတ္ဘုန္းခန႔္မွာလည္း ၉ လ အ႐ြယ္သို႔ ေရာက္လာၿပီျဖစ္ေသာေၾကာင့္ စကားလုံး ၂ လုံးပါသည့္ အသံထြက္မ်ားျဖစ္ေသာ ေဖေဖ၊ ေမေမဟု စတင္ကာ စကားေျပာက်င့္ေတာ့မည္ျဖစ္သည္။ အရာဝတၱဳမ်ားကို စူးစမ္း၊ မိခင္၊ ဖခင္တို႔ႏွင့္ ကစားသည့္ အ႐ြယ္သို႔ ေရာက္ၿပီျဖစ္သည္။ သို႔ေသာ္ ထိုကေလးကို ကစားေပးမည့္ အေဖမရွိေတာ့၊ ေဖေဖဟု ေခၚရမည့္ ဖခင္မရွိေတာ့ေပ။
“သားေလးရဲ႕ အသံၾကားတဲ့အခါက်ေတာ့ သူ႔အေဖမရွိေတာ့ဘူးဆိုတဲ့ အသိနဲ႔ သားေလးကို သနားတာပဲ။ အခ်ိန္တန္တဲ့အခါ သူမ်ားအေဖေတြ သူတို႔သားသမီးကို တီတီတာတာ လုပ္တာေတြ႕ရင္ သားေလးမွာ အေဖမရွိေတာ့တာ ေတြးၿပီး စိတ္မေကာင္းျဖစ္ရတယ္” ဟု မထက္က ဆို႔ဆို႔နင့္နင့္ ငိုယိုေျပာဆိုသည္။
၈၈မ်ိဳးဆက္ ေက်ာင္းသားေခါင္းေဆာင္ ကိုဂ်င္မီ၊ လႊတ္ေတာ္ကိုယ္စားလွယ္ႏွင့္ အဆိုေတာ္ ကိုၿဖိဳးေဇယ်ာေသာ္၊ ကိုလွမ်ိဳးေအာင္၊ ကိုေအာင္သူရေဇာ္တို႔သည္ ရာဇဝတ္မႈက်ဴးလြန္ျခင္းေၾကာင့္ ဥပေဒအရ ကြပ္မ်က္ျခင္းျဖစ္ေၾကာင္း ဥပေဒခ်ိဳးေဖာက္ၿပီး အာဏာသိမ္းထားသည့္ စစ္ေကာင္စီက ကာကြယ္ေျပာဆိုသည္။
ကြပ္မ်က္ခဲ့သည့္ အခ်ိန္ႏွင့္ ေန႔ရက္ကို လွ်ိဳ႕ဝွက္ထားျခင္း၊ မိသားစုကို ႀကိဳတင္အသိမေပးျခင္း၊ အေလာင္းျပန္မေပးျခင္း စသည့္ ဥပေဒႏွင့္ မညီၫြတ္ေသာ အခ်က္မ်ားႏွင့္ ပတ္သက္သည့္ ေဝဖန္မႈမ်ားကိုမူ စစ္ေကာင္စီက အက်ဥ္းေထာင္အာဏာပိုင္တို႔၏ အဆုံးအျဖတ္ျဖစ္သည္ဟုသာ ေျဖရွင္းခ်က္ ထုတ္ခဲ့သည္။
ကိုေအာင္သူရေဇာ္၊ ကိုလွမ်ိဳးေအာင္တို႔ႏွင့္ ပတ္သက္၍ စစ္ေကာင္စီဝါဒျဖန႔္ မီဒီယာမ်ား၏ ၂၀၂၁ ခုႏွစ္ သတင္းေဖာ္ျပခ်က္တြင္ လႈိင္သာယာၿမိဳ႕နယ္ အမွတ္ (၇) ရပ္ကြက္ေန မဝင္းသႏၲာေဆြဆိုသူကို သတ္ျဖတ္ခဲ့ေၾကာင္း စြပ္စြဲထားသည္။
သို႔ေသာ္ ကိုဂ်င္မီ၊ ကိုၿဖိဳးေဇယ်ာေသာ္၊ ကိုလွမ်ိဳးေအာင္၊ ကိုေအာင္သူရေဇာ္တို႔ကို ႏိုင္ငံေရးအက်ဥ္းသားမ်ားအျဖစ္ သတ္မွတ္ထားသည့္ ႏိုင္ငံတကာကမူ ဥပေဒမဲ့ အမႈစစ္ေဆး စီရင္မႈ၊ ကြပ္မ်က္သတ္ျဖတ္မႈမ်ားအတြက္ စစ္ေကာင္စီကို အျပင္းအထန္ ကန႔္ကြက္ခဲ့ၾကသည္။
ႏိုင္ငံေရးအက်ဥ္းသားမ်ား ကူညီေစာင့္ေရွာက္ေရးအသင္း AAPP က ကိုလွမ်ိဳးေအာင္၊ ကိုေအာင္သူရေဇာ္တို႔ကိုလည္း ႏိုင္ငံေရးအက်ဥ္းသားအျဖစ္ သတ္မွတ္ထားသည္ဟု အသင္းတာဝန္ရွိသူတစ္ဦးက ေျပာသည္။
“သူတို႔ေတြဟာ မတရားသျဖင့္ ျပစ္ဒဏ္ေတြေပးခံလိုက္ရၿပီး မတရားသတ္ျဖတ္ခံလိုက္ရတယ္၊ ဒီေႏြဦးေတာ္လွန္ေရးရဲ႕ ပထမဆုံး ႀကိဳးေပးသတ္ျဖတ္ခံလိုက္ရတဲ့ ကြၽန္ေတာ္တို႔ရဲ႕ သူရဲေကာင္းေတြျဖစ္ပါတယ္” ဟု အဆိုပါ တာဝန္ရွိသူက ေျပာသည္။
ကိုေအာင္သူရေဇာ္၏ ဇနီးျဖစ္သူ မထက္ကလည္း သားျဖစ္သူ ေမာင္ျမတ္ဘုန္းခန႔္ အ႐ြယ္ေရာက္လာၿပီး အေဖျဖစ္သူအေၾကာင္း အေမးရွိလာပါက အေျဖေပးမည္ဟု ေျပာသည္။
“အမွန္အတိုင္းပဲေပါ့၊ ဖုံးကြယ္ထားလို႔မွ မရတာ” ဟု မထက္က ေျပာလိုက္သည္။source-ျမန္မာေနာင္း
၉ လသား သားဦးကို ပွေ့ဖက်နမ်းရှိုက်ခွင့်မရဘဲ ကွပ်မျက်ခံခဲ့ရသည့် ဖခင်
ဥပဒေမဲ့ပေါ်လာသည့် စစ်ကောင်စီက ဥပဒေနှင့်မညီဘဲ ကွပ်မျက် သတ်ဖြတ်မှုကြောင့် ရန်ကုန်၊ လှိုင်သာယာမှအမျိုးသားမှာ ရင်သွေးငယ်နှင့် ထိတွေ့ဖူးခြင်းမရှိဘဲ သေကွဲကွဲခဲ့ရသည်။
ဇူလိုင် ၂၃ လင်းအားကြီးအချိန် အင်းစိန်ထောင်အတွင်း ကွက်မျက်ခံခဲ့ရသူများတွင် လူသိနည်းသည့် ကိုအောင်သူရဇော်လည်း ပါဝင်သည်။
ရန်ကုန်၊ လှိုင်သာယာမြို့နယ် ဆင်ခြေဖုံးရပ်ကွက်တစ်ခုတွင် ကိုအောင်သူရဇော် ဖမ်းဆီးခံရစဉ်က ဇနီးဖြစ်သူ မထက်မှာ ကိုယ်ဝန် ၂ လဖြင့် ကျန်ရစ်ခဲ့သည်။
အာဏာသိမ်းစစ်ကောင်စီက သူ့ကို ကြိုးပေးသတ်ဖြတ်လိုက်ချိန်တွင် “မြတ်ဘုန်းခန့်”ဟု အမည်ရသည့် သားဦးလေးမှာ တစ်နှစ်သားအရွယ်ပင် မရှိသေးပေ။ မိသားစု တွေ့ဆုံခွင့် ပိတ်ပင်ထားသဖြင့် သားလေး မွေးသည်ကိုသာ သိရှိခဲ့ရပြီး ကလေးမျက်နှာကို ထောင်တွင်းသို့ ရောက်လာသည့် ဓာတ်ပုံများတွင်သာ မြင်တွေ့ခွင့် ရရှိခဲ့သည်။ သားကို ကိုယ်တိုင်ကင်ပွန်းတပ်ခွင့်၊ ပွေ့ဖက်နမ်းရှိုက်ခွင့်မရခဲ့ဘဲ စစ်ကောင်စီ၏ ကြိုးပေးခြင်းကို ခံခဲ့ရသည့် ဖခင်တစ်ဦးဖြစ်လာသည်။
ထောင်တွင်းက ပေးစာ
ကိုအောင်သူရဇော် ထောင်တွင်းရောက်ရှိနေချိန်တွင် ကိုယ်ဝန်ဆောင် မထက်လည်း လှိုင်သာယာ စက်ရုံတစ်ရုံတွင် မိသားစုစားဝတ်နေရေးအတွက် ကြိုးစားရုန်းကန်ခဲ့ရသည်။
တွေ့ခွင့်မရသည့် အခြေအနေတွင် ထောင်အတွင်းနှင့် အပြင် စာအဆက်အသွယ်ရှိခဲ့သည်။
ကိုအောင်သူရဇော်က ဇနီးဖြစ်သူ မထက်ကို ငါးပူတင်းဟု ရံဖန်ရံခါ ချစ်စနိုးခေါ်တတ်ပြီး စာထဲတွင်လည်း ထိုသို့ သုံးနှုန်းသည်ဟု ဆိုသည်။
ထောင်ထဲမှ ဖခင်ဖြစ်သူက အနာဂတ်တွင် သားလေးအတွက် အလုပ် ပိုကြိုးစားမည်ဟု စာရေးလာဖူးကြောင်း သိရသည်။
“အထဲမှာ ကုန်နေရတဲ့အချိန်တွေအတွက် အပြင်ရောက်ရင် ကြိုးစားပြီး အလုပ်တွေလုပ်ရမှာ ငါးပူတင်းလေးရယ်၊ နင်နဲ့တူအောင် ဆုတောင်းပေး၊ ငါ့နဲ့တူရင် အရပ်ပုပြီး အသားညိုမှာ၊ နင်နဲ့တူရင်တော့ အရပ်ရှည်ပြီး အသားဖြူမှာ” ဟု စာတွင် ဖော်ပြထားကြောင်း သိရသည်။
ကိုယ်ဝန်ရင့်လာသည့် နောက်ပိုင်းတွင်လည်း မီးဖွားရန် ပြင်ဆင်ရခြင်း၊ ငွေကြေးမပြေလည်ခြင်း၊ ပဲခူးတိုင်း ဒိုက်ဦးထောင်သို့ ရောက်နေသည့် ခင်ပွန်းထံ သွားရောက်ရန် ဝေးလွန်းခြင်းစသည့် အခက်အခဲများကို ဇနီးသည် ရင်ဆိုင်ခဲ့ရသည်။
“သူမရှိတော့တဲ့အချိန်တည်းက သိပ်ခက်ခဲတာပဲ၊ ကိုယ့်မိဘတော့ရှိတယ်၊ ကိုယ့်မိဘတွေကလည်း ပြေလည်တဲ့ အသိုင်းအဝိုင်းက မဟုတ်ဘူး” ဟု မထက်က ပြောသည်။
သားလေးမွေးပြီးနောက် လသားအရွယ်ကလေးငယ်ကို မိသားစုဝင်များထံ အပ်နှံ ထိန်းစေပြီး စားဝတ်နေရေးအတွက် မထက် စက်ရုံတွင် အလုပ်ဆင်းရပြန်သည်။
ထို့ကြောင့် ဇူလိုင် ၂၂ တွင် စစ်ကောင်စီက သေဒဏ်ကျခံထားရသူတချို့ကို မိသားစုဝင်များနှင့် တွေ့ဆုံခွင့် ရုတ်တရက်ပေးလာရာ မထက်က လုပ်ငန်းခွင်တွင် ရောက်နေသည်။
ခင်ပွန်းသည် ကွပ်မျက်ခံရသည်ဟူသော သတင်းမှာ ၂၅ ရက်နေ့ စစ်ကောင်စီသတင်းစာတွင် ပါလာသဖြင့် သတင်းစာဖတ်ပရိသတ်ကြား အုတ်အော်သောင်းတင်းဖြစ်သွားသော်လည်း လုပ်ငန်းခွင်ရောက်နေပြန်သည့် မထက်က ချက်ချင်းမသိခဲ့ဟု ဆိုသည်။
“အလုပ်ပြန်ဆင်းလာမှ သိရတယ်၊ သူ့အမေက ဖုန်းခေါ်ထားလို့ ပြန်ခေါ်ပြီး အမေဘာဖြစ်လို့လဲ မေးတော့ အမေက နင့်ယောက်ျား မရှိတော့ဘူးတဲ့” ဟု မထက်က ပြောသည်။
ထို့ကြောင့် စစ်ကောင်စီတပ်သားများက ကိုအောင်သူရဇော်ကို ၂၀၂၁ ဧပြီတွင် ဖမ်းဆီးချုပ်နှောင်ခဲ့သည့် ၁၅ လအတွင်း ဇနီးသည်က သူ့ကို တွေ့ခွင့်မသာခဲ့သလို သူကလည်း ဇနီးဖြစ်သူကို တွေ့ခွင့်မရခဲ့ပေ။
မိသားစုဝင်တို့က ထောင်သို့ သွားပြီး ပစ္စည်းပို့ခွင့်ရှိသော်လည်း မျက်နှာချင်းဆိုင် တွေ့ဆုံခွင့်ကိုမူ အဖမ်းအဆီး ဆက်တိုက်လုပ်နေသော စစ်ကောင်စီက ကိုဗစ်အကြောင်းပြပြီး ပိတ်ထားဆဲဖြစ်သည်။
နွေဦးတော်လှန်ရေး သူရဲကောင်းများ
ကိုအောင်သူရဇော် မြင်တွေ့ခွင့်မရခဲ့သည့် သားဖြစ်သူ မောင်မြတ်ဘုန်းခန့်မှာလည်း ၉ လ အရွယ်သို့ ရောက်လာပြီဖြစ်သောကြောင့် စကားလုံး ၂ လုံးပါသည့် အသံထွက်များဖြစ်သော ဖေဖေ၊ မေမေဟု စတင်ကာ စကားပြောကျင့်တော့မည်ဖြစ်သည်။ အရာဝတ္တုများကို စူးစမ်း၊ မိခင်၊ ဖခင်တို့နှင့် ကစားသည့် အရွယ်သို့ ရောက်ပြီဖြစ်သည်။ သို့သော် ထိုကလေးကို ကစားပေးမည့် အဖေမရှိတော့၊ ဖေဖေဟု ခေါ်ရမည့် ဖခင်မရှိတော့ပေ။
“သားလေးရဲ့ အသံကြားတဲ့အခါကျတော့ သူ့အဖေမရှိတော့ဘူးဆိုတဲ့ အသိနဲ့ သားလေးကို သနားတာပဲ။ အချိန်တန်တဲ့အခါ သူများအဖေတွေ သူတို့သားသမီးကို တီတီတာတာ လုပ်တာတွေ့ရင် သားလေးမှာ အဖေမရှိတော့တာ တွေးပြီး စိတ်မကောင်းဖြစ်ရတယ်” ဟု မထက်က ဆို့ဆို့နင့်နင့် ငိုယိုပြောဆိုသည်။
၈၈မျိုးဆက် ကျောင်းသားခေါင်းဆောင် ကိုဂျင်မီ၊ လွှတ်တော်ကိုယ်စားလှယ်နှင့် အဆိုတော် ကိုဖြိုးဇေယျာသော်၊ ကိုလှမျိုးအောင်၊ ကိုအောင်သူရဇော်တို့သည် ရာဇဝတ်မှုကျူးလွန်ခြင်းကြောင့် ဥပဒေအရ ကွပ်မျက်ခြင်းဖြစ်ကြောင်း ဥပဒေချိုးဖောက်ပြီး အာဏာသိမ်းထားသည့် စစ်ကောင်စီက ကာကွယ်ပြောဆိုသည်။
ကွပ်မျက်ခဲ့သည့် အချိန်နှင့် နေ့ရက်ကို လျှို့ဝှက်ထားခြင်း၊ မိသားစုကို ကြိုတင်အသိမပေးခြင်း၊ အလောင်းပြန်မပေးခြင်း စသည့် ဥပဒေနှင့် မညီညွတ်သော အချက်များနှင့် ပတ်သက်သည့် ဝေဖန်မှုများကိုမူ စစ်ကောင်စီက အကျဉ်းထောင်အာဏာပိုင်တို့၏ အဆုံးအဖြတ်ဖြစ်သည်ဟုသာ ဖြေရှင်းချက် ထုတ်ခဲ့သည်။
ကိုအောင်သူရဇော်၊ ကိုလှမျိုးအောင်တို့နှင့် ပတ်သက်၍ စစ်ကောင်စီဝါဒဖြန့် မီဒီယာများ၏ ၂၀၂၁ ခုနှစ် သတင်းဖော်ပြချက်တွင် လှိုင်သာယာမြို့နယ် အမှတ် (၇) ရပ်ကွက်နေ မဝင်းသန္တာဆွေဆိုသူကို သတ်ဖြတ်ခဲ့ကြောင်း စွပ်စွဲထားသည်။
သို့သော် ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်၊ ကိုအောင်သူရဇော်တို့ကို နိုင်ငံရေးအကျဉ်းသားများအဖြစ် သတ်မှတ်ထားသည့် နိုင်ငံတကာကမူ ဥပဒေမဲ့ အမှုစစ်ဆေး စီရင်မှု၊ ကွပ်မျက်သတ်ဖြတ်မှုများအတွက် စစ်ကောင်စီကို အပြင်းအထန် ကန့်ကွက်ခဲ့ကြသည်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP က ကိုလှမျိုးအောင်၊ ကိုအောင်သူရဇော်တို့ကိုလည်း နိုင်ငံရေးအကျဉ်းသားအဖြစ် သတ်မှတ်ထားသည်ဟု အသင်းတာဝန်ရှိသူတစ်ဦးက ပြောသည်။
“သူတို့တွေဟာ မတရားသဖြင့် ပြစ်ဒဏ်တွေပေးခံလိုက်ရပြီး မတရားသတ်ဖြတ်ခံလိုက်ရတယ်၊ ဒီနွေဦးတော်လှန်ရေးရဲ့ ပထမဆုံး ကြိုးပေးသတ်ဖြတ်ခံလိုက်ရတဲ့ ကျွန်တော်တို့ရဲ့ သူရဲကောင်းတွေဖြစ်ပါတယ်” ဟု အဆိုပါ တာဝန်ရှိသူက ပြောသည်။
ကိုအောင်သူရဇော်၏ ဇနီးဖြစ်သူ မထက်ကလည်း သားဖြစ်သူ မောင်မြတ်ဘုန်းခန့် အရွယ်ရောက်လာပြီး အဖေဖြစ်သူအကြောင်း အမေးရှိလာပါက အဖြေပေးမည်ဟု ပြောသည်။
“အမှန်အတိုင်းပဲပေါ့၊ ဖုံးကွယ်ထားလို့မှ မရတာ” ဟု မထက်က ပြောလိုက်သည်။source-မြန်မာနောင်း
