တနင်္ဂနွေနေ့ဖွား
အလုပ်အကိုင် – လုပ်ပိုင်ခွင့်တွေ ရလာသလို တာဝန်ခံမှုတွေလည်း များလာမယ်။
စိတ်ရောလူပါ ပင်ပန်းရတာ များပြီး ငဲ့ကွက်ရတာ၊ တာဝန်ယူရတာတွေလည်း ပိုလာမယ်။ သြဇာ၊ အာဏာရှိသူတွေကနေ ကူညီပံ့ပိုးလာမယ်။
ငွေကြေးပိုင်းမှာ အဆင်ပြေပေမယ့် စိတ်ရှုပ်စရာတွေလည်း ပေါ်လာမယ်။ ခေါင်းစားရတာတွေ အရမ်းများမယ်။
ကျန်းမာရေး – အထိုင်များတာမျိုး ရှောင်ပါ။ မတော်တဆမှု အသေးအဖွဲလေးတွေလည်း ဖြစ်တတ်တယ်။
လူမှုအိမ်ထောင် – အချစ်ရေး၊ အိမ်ထောင်ရေးမှာ တစ်ဖက်သားရဲ့ ဖိအားပေးမှုတွေ ခံရတတ်တယ်။ အချစ်ရော ချုပ်ခြယ်မှုပါ တွဲလျက်ပါလာတတ်တယ်။
စိတ်မချမ်းမသာတွေ ဖြစ်ရတတ်ပေမယ့် ကံအညံ့ကြီးတော့ မဟုတ်ပါ။ လူမှုဆက်ဆံရေးကဏ္ဍမှာ အများရဲ့အားကိုးမှုကို ခံရတတ်တယ်။
သူတပါးအရေးတွေမှာ ဝင်ပါရတာမျိုးရှိမယ်။
ကံကောင်းစေတဲ့ အရောင် – အဝါ၊ အနီရင့်
ကံစမ်းနိုင်တဲ့ ဂဏန်း – ၄ ၊ ၉
ကံကောင်းစေတဲ့ အရပ် – အရှေ့ ၊ မြောက်
ကံကောင်းစေတဲ့ နေ့ရက် – ကြာသပတေး ၊ တနင်္ဂနွေ
ယတြာ – ဖခင် (သို့) လူကြီးသူမတစ်ဦးကို ထီး (သို့) ဦးထုပ်တစ်လုံး လက်ဆောင် ဝယ်ပေးပါ။
တနင်္လာနေ့ဖွား
အလုပ်အကိုင် – ကိုယ့်တစ်ယောက်တည်း စဉ်းစားဆုံးဖြတ် လုပ်ကိုင်ရင် အမှားများတတ်တယ်။
တတ်ကျွမ်းသူ၊ ဆရာသမားတွေဆီက အကြံဉာဏ် ယူသင့်တယ်။ အလုပ်နဲ့ပတ်သက်တဲ့ခရီးတွေ ပေါ်လာမယ်။
ခရီးသွားလာလို့ အဆင်ပြေနိုင်တယ်။ အကူအညီကောင်းတွေ ရမယ်။ ငွေဝင်ကိန်း ရှိပေမယ့် မသေချာတာတွေကို မလုပ်သင့်ပါ။
ကျန်းမာရေး – ဦးနှောက်၊ အာရုံကြောပိုင်း ဂရုစိုက်ရမယ်။ မျက်စိအားနည်းတတ်တယ်။
လူမှုအိမ်ထောင် – မေတ္တာရေးမှာ အေးတိအေးစက် ဆက်ဆံရေးမျိုး ဖြစ်လာတတ်တယ်။
နီးစပ်နွေးထွေးမှုထက် ဖာသိဖာသာနေချင်စိတ်က ပိုများလာနိုင်တယ်။ အဲဒါကြောင့်လည်း အချင်းချင်းကြား ကတောက်ကဆ ဖြစ်မယ်။
လူမှုရေး့ပိုင်းမှာ ကိုယ့်ကို ကူညီညွှန်ပြသူတွေနဲ့ ဆုံမယ်။ ဒါပေမယ့် ကိုယ်တိုင်က အထီးကျန်သလို ခံစားရမယ်။
ကံကောင်းစေတဲ့ အရောင် – အပြာဖျော့ ၊ အဝါတောက်တောက်ရောင် ၊ အဖြူ
ကံစမ်းနိုင်တဲ့ ဂဏန်း – ၂ ၊ ၉
ကံကောင်းစေတဲ့ အရပ် – အနောက်၊ အရှေ့
ကံကောင်းစေတဲ့ နေ့ရက် – တနင်္လာမွန်းလွဲပိုင်း ၊ ကြာသပတေး
ယတြာ – သွားရင်းလာရင်း ရဟန်း (သို့) သီလရှင်တွေနဲ့ ဆုံရင် ငွေကြေးတတ်နိုင်သလောက် လှူပေးပါ။
အင်္ဂါနေ့ဖွား
အလုပ်အကိုင် – ရေကန်အသင့်၊ ကြာအသင့်လို ဖြစ်ပြီး ကိုယ့်ဘက်က သိပ်မကြိုးစားရဘဲ အလုပ်စီးပွားကံတွေ မြင့်မားလာမယ်။
လုပ်ရကိုင်ရ လွယ်ကူပြီး အဘက်ဘက်က ကူညီဝိုင်းဝန်းမယ့်သူတွေလည်း ပေါ်လာလိမ့်မယ်။
ငွေကြေး ကံကောင်းတတ်ပြီး လက်ဆောင်တွေလည်း ဝင်လာနိုင်တယ်။ ရင်းနှီးမြှုပ်နှံမှုတွေ စတင်သင့်တယ်။
ကျန်းမာရေး – ဗိုက်အောင့်၊ ဗိုက်နာတတ်တာကလွဲရင် ဘေးကင်းကျန်းမာမယ်။
လူမှုအိမ်ထောင် – အချစ်ရေး၊ အိမ်ထောင်ရေးမှာ စိတ်ချမ်းသာစရာတွေ ဖြစ်လာမယ်။ ကလေးလိုချင်နေသူတွေ သတင်းကောင်း ကြားရမယ်။
လိုအင်ဆန္ဒ ပြည့်ဝမယ်။ ပျိုရွယ်သူတွေ အချစ်ရေးမှာ ကံကောင်းမယ့်သီတင်းပတ် ဖြစ်တယ်။
လူမှုပေါင်းသင်းဆက်ဆံရေးမှာလည်း ပျော်စရာတွေ ကြုံလာရမယ်။ မိတ်ဆွေကောင်းတွေ ရရှိမယ်။
ကံကောင်းစေတဲ့ အရောင် – ကြက်သွေးရောင် ၊ ရွှေရောင်
ကံစမ်းနိုင်တဲ့ ဂဏန်း – ၂ ၊ ၃
ကံကောင်းစေတဲ့ အရပ် – အရှေ့ ၊ အရှေ့တောင်
ကံကောင်းစေတဲ့ နေ့ရက် – သောကြာ ၊ အင်္ဂါ
ယတြာ – မိမိနဲ့ဆက်စပ်တဲ့ဝန်းကျင်က ကိုယ်ဝန်ဆောင် (သို့) ကလေးမွေးပြီးစလူကို စားချင်တာကျွေးပါ။
ဗုဒ္ဓဟူးနေ့ဖွား
အလုပ်အကိုင် – အလုပ်နဲ့ပတ်သက်လို့ အင်မတန်မှ စိတ်အနှောင့်အယှက်များမယ့်ကာလ ဖြစ်တယ်။
အလုပ်မှာ ကိုယ့်ကို မနာလိုသူ၊ တိုက်ခိုက်သူတွေ ပေါ်လာလိမ့်မယ်။ အလုပ်ကို ဖြောင့်ဖြောင့် မလုပ်ရဘဲ မဟုတ်တာတွေ ဖြေရှင်းနေရတတ်တယ်။
လုပ်ငန်းခွင်မတော်တဆမှုလည်း ဖြစ်တတ်တယ်။ ငွေဝင်ပေမယ့် စိတ်တွေ ညစ်မယ်။
ကျန်းမာရေး – အသေးစား ထိမိခိုက်မိလေးတွေ ဖြစ်တတ်တယ်။ အိပ်မက်ဆိုးတွေမက်တတ်တယ်။
လူမှုအိမ်ထောင် – မေတ္တာရေးကိစ္စမှာ ပတ်ဝန်းကျင်ကလူတွေကို သတိထားရမယ်။ နှစ်ဦးကြား ဝင်မွှေတတ်လို့ နားလည်မှု ပိုပေးသင့်တယ်။
ဘေးက မနာလိုသူတွေကြောင့် စကားများရတတ်တယ်။ စိတ်တွေ ရှုပ်နေရမယ်။ လူမှုရေးကဏ္ဍမှာ အညံ့ဆိုး ဖြစ်တယ်။
ချောက်တွန်းချင်သူတွေ၊ အပေါ်ယံသမားတွေပဲ ဝိုင်းဝိုင်းလည်နေမယ်။
ကံကောင်းစေတဲ့ အရောင် – အဝါ
ကံစမ်းနိုင်တဲ့ ဂဏန်း – ၁
ကံကောင်းစေတဲ့ အရပ် – မြောက် ၊ အရှေ့တောင်
ကံကောင်းစေတဲ့ နေ့ရက် – အင်္ဂါ
ယတြာ – စိတ်မနှံ့သူ၊ စိတ်ကျန်းမာရေးမကောင်းသူတွေကို စားစရာတစ်ခုခု လှူဒါန်းပေးကမ်းပါ။
ရာဟုဖွား
အလုပ်အကိုင် – အလုပ်နဲ့ပတ်သက်လို့ အပြောင်းအလဲလေးတွေ ဖြစ်လာနိုင်တယ်။
အနည်းဆုံးအနေနဲ့ အလုပ် နေရာ အပြောင်းအရွှေ့၊ ဌာနတွင်း ပြောင်းလဲမှုတွေ ဖြစ်တတ်တယ်။ ခရီးတွေလည်း ပေါ်လာနိုင်တယ်။
အလုပ် ကံဇာတာ အတော်သင့် ကောင်းမွန်မယ်။ ငွေရေးကြေးရေး လည်ပတ်မှု ကောင်းပြီး ဝင်ငွေ ဖြောင့်ဖြူးလာမယ်။
ကျန်းမာရေး – မီး၊ လျှပ်စစ်နဲ့ပတ်သက်တာတွေ သတိထားကိုင်တွယ်ပါ။
လူမှုအိမ်ထောင် – အချစ်ရေး၊ အိမ်ထောင်ရေးမှာ အညံ့တွေ ရှိခဲ့ရင် ပြန်ပြေလည်မှု ရမယ်။
ပုံမှန်အတိုင်းရှိနေရင် ချစ်သူ၊ လက်တွဲဖော်နဲ့ ခရီးအတူ သွားရတတ်တယ်။ အတူနေသူတွေ၊ အိမ်ထောင်ရှင်တွေ ပျော်ရွှင်ဖွယ်ကာလ ဖြစ်မယ်။
လူမှုရေးပိုင်းမှာ မိတ်ဆွေတွေဆီက အတုံ့အလှည့်အကူအညီတွေ ရမယ်။ ကြွေးတွေ ပြန်ရတတ်တယ်။
ကံကောင်းစေတဲ့ အရောင် – အဖြူ ၊ အဝါရင့်
ကံစမ်းနိုင်တဲ့ ဂဏန်း – ၁ ၊ ၂
ကံကောင်းစေတဲ့ အရပ် – အရှေ့တောင်
ကံကောင်းစေတဲ့ နေ့ရက် – အင်္ဂါနေ့ မွန်းလွဲနောက်ပိုင်း
ယတြာ – ဘုရားစေတီတစ်ဆူရဲ့ဂြိုဟ်ခွင့်ထောင့်တိုင်းမှာ ရေ ၈ ခွက်စီ သပ္ပါယ်ပေးပါ။
ကြာသပတေးနေ့ဖွား
အလုပ်အကိုင် – ဒီအပတ်မှာ အလုပ်ကိစ္စနဲ့ အသွားအလာတွေ များလာတတ်တယ်။
ဟိုပြေးဒီပြေး ဖြစ်နေမယ်။ အလုပ်အတည်တကျ သေချာ မလုပ်ရဘဲ ဖြစ်နေမယ်။ ဒါပေမယ့် အလုပ်ကံဇာတာ ကောင်းနေမယ်။
အလုပ်ကို ဒီထက်ကောင်းစေမယ့်အပြောင်းအလဲတွေ ပေါ်လာမယ်။ ငွေလည်ပတ်လာနိုင်ပြီး အပေးအယူ အဆင်ပြေမယ်။
ကျန်းမာရေး – ဘေးရန်ကင်းမယ်။ ကျန်းမာရေး ညံ့နေသူတွေ ပြန်ကောင်းသက်သာမယ်။
လူမှုအိမ်ထောင် – အချစ်ရေး၊ အိမ်ထောင်ရေးမှာ အစောပိုင်းက ဖြစ်နေတဲ့ နှစ်ဦးကြားက မကျေလည်မှုတွေ ပြန် ပြေလည်သွားမယ်။
အရင်က မရခဲ့တဲ့နားလည်မှုတွေ ပြန်တည်ဆောက်နိုင်မယ်။ မမျှော်လင့်တဲ့ ပျော်ရွှင်မှုတွေပါ ရလာတတ်တယ်။
မိတ်ဆွေအသိုင်းအဝိုင်းနဲ့ပတ်သက်ရင် မတွေ့တာမဆုံတာ ကြာတဲ့သူတွေနဲ့ ပြန်ဆုံလိမ့်မယ်။
ကံကောင်းစေတဲ့ အရောင် – အဝါရင့် ၊ အပြာနု
ကံစမ်းနိုင်တဲ့ ဂဏန်း – ၁ ၊ ၅ ၊ ၂
ကံကောင်းစေတဲ့ အရပ် – အရှေ့
ကံကောင်းစေတဲ့ နေ့ရက် – တနင်္ဂနွေ
ယတြာ – ခွေး၊ ကြောင်၊ ငါး၊ ငှက် စတဲ့ တိရစ္ဆာန်လေးတွေကို မကြာခဏ အစာကျွေးပေးပါ။
သောကြာနေ့ဖွား
အလုပ်အကိုင် – ဒီအပတ် လုပ်ငန်းစီးပွားကံ နည်းနည်း ညံ့နိုင်တယ်။ ထင်သလောက် အဆင်မပြေတာ ဖြစ်မယ်။
ကိုယ်ပိုင်လုပ်ငန်းထက် စပ်တူရှယ်ယာကမှ ပိုအဆင်ပြေတတ်တယ်။ ကူညီမယ့်သူရော နှောင့်ယှက်တတ်သူပါ အနားမှာ ရှိနေလိမ့်မယ်။
စကားတိုင်းကို နားမယောင်ဖို့ လိုမယ်။ ငွေဝင်ပေမယ့် အကြောင်းရှာပြီး ပြန်ကုန်မယ်။
ကျန်းမာရေး – မျိုးပွားအင်္ဂါဆိုင်ရာ ဝေဒနာတွေ ဖြစ်တတ်တယ်။ နှလုံးလည်း အားနည်းတတ်တယ်။
လူမှုအိမ်ထောင် – မေတ္တာ အဆိုးအကောင်းတွေ ဒီအပတ်မှာ အထင်အရှား ဖြစ်ပေါ်လာနိုင်တယ်။ အကောင်းနဲ့ အဆိုးက မိမိပေါ်မှာ ပိုမူတည်လိမ့်မယ်။
ပျိုရွယ်သူတွေတော့ ချစ်သူ၊ လက်တွဲဖော်နဲ့ ဆုံဆည်းမယ်။ စန်းပွင့်ပြီး ကံကောင်းတတ်တယ်။
လူမှုရေးကဏ္ဍမှာ ဘဝင်မကျစရာတွေ၊ အာရုံနောက်စရာကိစ္စတွေ ပေါ်လာတတ်တယ်။
ကံကောင်းစေတဲ့ အရောင် – ခရမ်းဖျော့ရောင်၊ အနီရောင်
ကံစမ်းနိုင်တဲ့ ဂဏန်း – ၆
ကံကောင်းစေတဲ့ အရပ် – မြောက်
ကံကောင်းစေတဲ့ နေ့ရက် – သောကြာ ၊ တနင်္လာ
ယတြာ – အိမ်ကဘုရားမှာ ပန်းပေါင်းစုံကို ပန်းမွေ့ယာလို လုပ်ပြီး ဘုရားမှာ ကပ်လှူပူဇော်ပေးပါ။
စနေနေ့ဖွား
အလုပ်အကိုင် – အရင်က ကြိုးစားထားတဲ့အလုပ်တွေ ဒီအပတ်မှာ ရုပ်လုံးပေါ်လာမယ်။ စိတ်ကူးထားတာတွေပါ အကောင်အထည် ပေါ်လာကိန်း ရှိတယ်။
အလုပ်မှာ အကြံအဖန်တွေများ လုပ်ခဲ့ရင် ဒီအပတ်မှာ ပြဿနာတွေ ပေါ်လိမ့်မယ်။ ဖုံးမရဖိမရတွေ ဖြစ်တတ်တယ်။
ရိုးသားကြိုးစားသူတွေအတွက် အခွင့်ကောင်းပေါ်လာလိမ့်မယ်။
ကျန်းမာရေး – အသောက်အစား လျှော့ရမယ်။ ကျန်းမာရေးပိုင်းကို ပြန်ဂရုစိုက်ရမယ့်ကာလ ဖြစ်တယ်။
လူမှုအိမ်ထောင် – အချစ်ရေး၊ အိမ်ထောင်ရေးမှာ ဒီအပတ်ကလည်း သိပ်အကောင်းအဆိုး မထင်ရှားတဲ့ကာလပဲ ဖြစ်မယ်။
ဒါပေမယ့် ချစ်သူ၊လက်တွဲဖော်အပေါ် မရိုးမသားလုပ်မိခဲ့ရင် ဒီအပတ်မှာ ဘူးပေါ်သလို ပေါ်လိမ့်မယ်။ ဖြေရှင်းရလိမ့်မယ်။
လူမှုရေးအပိုင်းမှာတော့ အဆိုးအကောင်း၊ အကျိုးအကြောင်း လမ်းညွှန်နိုင်သူနဲ့ ဆုံရမယ်။
ကံကောင်းစေတဲ့ အရောင် – အနီ ၊ ရွှေရောင်
ကံစမ်းနိုင်တဲ့ ဂဏန်း – ၂ ၊ ၁ ၊ ၉
ကံကောင်းစေတဲ့ အရပ် – အရှေ့မြောက်
ကံကောင်းစေတဲ့ နေ့ရက် – အင်္ဂါ ၊ တနင်္ဂနွေ
ယတြာ – ရုံးဂတ်၊ နာရေးအိမ် ၊ အသုဘ စတဲ့နေရာတွေကို ရှောင်ပါ။ တတ်နိုင်သမျှ အသက်လွတ်စားပေးပါ။
Crd to original uploader
