ငြင်းလည်းအပို၊ ရှင်းလည်းအပို
===================
အထင်လွဲခံရပြီ
ဘာမှပြန်မပြောခြင်းဟာ
သဘောထားကြီးမှု တစ်မျိုးပါ။
အဖြစ်အပျက်မှန်ဆိုတာ
အချိန်က စကားပြောသွားပါလိမ့်မယ်။
စိတ်ထိခိုက်သွားပြီ
ဘာမှပြန်မပြောခြင်းဟာ
စိတ်ရင်းကောင်းမှု တစ်မျိုးပါ။
မေတ္တာရဲ့ အအေးအနွေးဟာ
အချိန်ကသာ သက်သေပြ
သွားပါလိမ့်မယ်။
အစော်ကားခံလိုက်ရပြန်ပြီ
ဘာမှပြန်မပြောခြင်းဟာ
ခွင့်လွတ်ခြင်းတစ်မျိုးပါ။
အကျင့်ကောင်းတယ်
မကောင်းဘူးဆိုတာ
အချိန်က ရှင်းလင်း
ပေးသွားပါလိမ့်မယ်။
ဘာကိစ္စအတွက်ပဲဖြစ်ဖြစ်
စိတ်လောပြီးမငြင်းဆိုပါနှင့်။
ဘာအကြောင်းအရာကိုမှ
စိတ်လောပြီး မရှင်းပြပါနှင့်။
နားလည်ပြီးသားသူအတွက်
ရှင်းပြဖို့ မလိုအပ်သလို
နားမလည်ချင်တဲ့ သူအတွက်
ရှင်းပြလည်း အပိုဖြစ်နေတတ်တယ်။
စကားပြောတတ်ဖို့ ( ၂ ) နှစ်ပဲ
သင်လိုက်ရပေမဲ့
ပါးစပ်ပိတ်တတ်ဖို့ ကြိုးစားတာ
အနှစ် ( ၅၀) ပြည့်တော့မယ်။
၀မ်းနည်းစရာကောင်းတာက
အခုထက်ထိ ပါးစပ်က
လွှတ်ကနဲ ဖြစ်လို့ ကောင်းတုန်း
ဘ၀ အမြင့်ဆိုတာ
ပညာဘယ်လောက်တတ်တယ်။
ဗဟုသုတ ဘယ်လောက်ရှိတယ်
ဆိုတာနဲ့ မသက်ဆိုင်ပါ။
ဒေါင်ကျကျ ၊ ပြားကျကျ
အပြုံးအပျက်တဲ့ မဟာသဘောထားမျိုးကို ဆိုလိုပါတယ်။
စိတ်သဘောထားကြီးတယ်ဆိုတာလည်းသင်လူဘယ်လောက်များများသိတယ်။
ဘယ်လောက်များများ ခင်မင်တာနဲ့လည်း မသက်ဆိုင်ပါ။
သင်လူဘယ်လောက်များများကို လက်ခံ ခွင့်လွတ်နိုင်တာနဲ့ ပိုမိုသက်ဆိုင်ပါတယ်။
လောကနိယာမအရ…အနစ်နာခံတဲ့လူဟာ နောက်ဆုံးတကယ် မနစ်နာသလို..
ငြင်းခုံမှုမှာ အရှုံးပေးတဲ့လူဟာလည်း နောက်ဆုံးတကယ် မဆုံးရှုံးပါဘူး။
Credit
