ကိုယ့်ကို တစ်ယောက်ယောက်က မကောင်းကြံနေတာမျိုး၊ မလိုမုန်းထားရှိတာမျိုး၊ အတိုက်အခိုက်တွေ ရှိနေတာမျိုး ကြုံတဲ့အခါ
ကိုယ့်ကို တယောက်ယောက်က မကောင်းကြံနေတာမျိုး၊ မလိုမုန်းထားရှိတာမျိုး အတိုက်အခိုက်တွေ ရှိနေတယ်လို့
ကိုယ့်ရဲ့ ဆဌမအာရုံက သိနေတာမျိုးကို မယုံပေမယ့် မကောင်းတာ ဆက်တိုက်ဆိုသလို တွေ ဖြစ်လာတာမျိုး ရှိတဲ့အခါ…
မကောင်းတာတွေကို ဖယ်ရှားဖို့ တလျော်နဲ့ ခေါင်းလျှော်ရင်း ( ဗုဒ္ဓံ ဓမ္မံ သဃံ) ရွတ်ဆို ( သံဗုဒ္ဓေ ဂါထာကို သက်စေ့ ) ရွတ်ဆိုရင် မကောင်းတာအားလုံးကို ဖယ်ရှားပစ်နိုင်တယ် ဆိုတာယုံပါ…
အမျိုးသားများအနေနဲ့လဲ တလျောကင်ပွန်းနဲ့ ခေါင်းလျှော်ရင် ဘုန်းကံကြီးမားပီး အိမ်ဦးနတ်အဆင်ပြေရင် တစ်မိသားစုလုံးကို အကျိုးသက်ရောက်စေလို့ မဟေသီမမ များကလဲ
အိမ်ဦးနတ်ကို တလျော်ကင်ပွန်းနဲ့ ခေါင်းလျှော်ဖို့ တိုက်တွန်းပေးကြပါလို့ အကြံပေးလိုပါတယ်။
“ဘုန်းပွင့် ကံပွင့်”
လူဟာ ဘာလုပ်လုပ် အဆင်မပြေဖြစ်နေတဲ့ အချိန်မျိုးကို ကြုံရတတ်ပါတယ်။ ကိုယ်ပြောသမျှ အရာမထင်ဖြစ်နေတာမျိုး…
လုပ်သမျှ အခက်အခဲနဲ့ ဒုက္ခတွေပဲ ကြုံရတာမျိုးတွေ… နေမကောင်းဖြစ်ချင်သလို…အလိုလိုနေရင်း ဝမ်းနည်းသလိုလို၊ အားငယ်နေသလိုလို… ဘာပဲစားစား စားလို့မဝင်ဖြစ်နေတာမျိုး…
သူတစ်ပါးက ကိုယ့်ကို မကောင်းတဲ့အတတ်တွေနဲ့ ပြုစားစီရင်ထားသလိုလို…နဲ့ဘုန်းကံများ နိမ့်ပါးပြီဆိုရင် အထက်ကပြောခဲ့တာတွေဟာ တန်းစီပြီးတော့ကို ကိုယ့်ဆီရောက်လာတာပါပဲ..။
အလွယ်နားလည်ထားဖို့ကတော့ အဲ့ဒီအချက်တွေဟာ မိမိမှာဘုန်းကံတွေ နိမ့်နေပြီမိမိရဲ့ ကံ ညံ့နေပြီလို့ပဲ နားလည်ထားလိုက်ပါ။
အဲ့ဒီလိုအခါမျိုးမှာ ဘုန်းကံမြင့်မားအောင် ပြောစကား ဆိုစကားတွေ အဆင်ပြေအောင်မြင်အောင် တရော်ကင်ပွန်းစစ်စစ်နဲ့ ခေါင်းလျော်ပြစ်ပါ။ တရော်ကင်ပွန်းနဲ့ ပက်သက်၍လည်း လေ့လာမိသမျှ ဖော်ပြပေးလိုက်ပါတယ်။
တရော်ကင်ပွန်းအား မြန်မာလူမျိုးတို့သည်ခေါင်းလျော်ရာတွင် အသုံးပြုကြသည်။ တရော်ကင်ပွန်းမှာလည်း ရာဇဝင်လာရှိလေ၏။ သာမညောင်ညမျိုး မဟုတ်။
တစ်ခေတ်တခါက ဒွတ္တဘောင်ဆိုသော မင်းကြီးပေါ်ထွန်းခဲ့လေ၏။ ထိုမင်းကြီး၏ နဖူးအလယ်တွင် မှဲ့ရှင်တော်တစ်ခုပါပြီး မျက်စိသုံးခု အတုမဲ့ပေါင် ဒွတ္တဘောင်ဟု နှောင်းလူများက မှတ်တမ်းတင်ခဲ့ကြ၏။
ထို့ပြင်လည်း မင်းကြီးသည် သိကြားမင်းဆက်သော လက်နက်ငါးပါး၊ နာဠာဂီရိဆင်၊ ဝလာဟက နတ်မြင်းတို့ကိုလည်း ပိုင်ဆိုင်သည်ဟုအဆိုရှိပြန်၏။
တစ်ခါသော် သရေခေတ္တရာပြည်အနီးရှိ ဗိဿနိုးပြည်ကို သွားရောက်တိုက်ခိုက်ရာ ဗိဿနိုးမှ ပန်ထွာဘုရင်မက ရန်ပယ်ချောင်းရေကို စနစ်တကျ အသုံးချကာ ခုခံခဲ့သည်။
သို့ရာတွင် မင်းကြီးက သူလျှိုစေလွှတ်ကာ ဗိဿနိုး၏ ကာကွယ်ရေးစနစ်ကို ချေဖျက်ခဲ့ပြီး ဘုရင်မနှင့်တကွ ဗိဿနိုးပြည်ကို သိမ်းပိုက်ခဲ့သည်။
ပန်ထွာမိဖုရားသည် အတင်းအဓမ္မ သိမ်းပိုက်ခံရခြင်းကို မကျေနပ်ဖြစ်၏။ထို့ကြောင့် မင်းကြီးကို လက်စားချေရန်ကြံလေ၏။
ကြံပုံမှာ- သူမ၏ ထဘီအောက်နားစ ကို ဖြတ်ကာ နံ့သာအမွှေးအကြိုင်များ ထုံမွှမ်းစေပြီး မင်းကြီး ထံ မျက်နှာသုတ်ပဝါအဖြစ် ဆက်ကပ်ခြင်းဖြစ်သည်။ (မူကွဲများတွင်သုဿာန်မှအဝတ်ဟုလည်းဆိုသည်)
မင်းကြီးလည်း ထိုမျက်နှာသုတ်ပဝါကို သုံးမိလျှင် ဘုန်းနိမ့်ကာ မှဲ့ရှင်တော်ကွယ်လေ၏။ လှံများ ဓါးများလည်း အရောင်မထွက်တော့ပေ။ ပန်ထွာလည်း မိမိအကြံဖြစ်ကြောင်း။
ယခုလောက်ဖြင့် မကျေနပ်သေးဘဲ နောက်ဘဝများတွင်လဲ မင်းကြီး၏ ပျက်စီးကြောင်းကို ကြံစည်လိုသေးကြောင်း။
နောက်ထပ် လက်စားမချေရမခြင်း သရေခေတ္တရာ အနီးရှိ ပေပင် တို့သည် ယခုအရွယ်မှ မတက်ပါစေကြောင်း ဆုတောင်းကာ လက်ထဲမှ အဆိပ်ခွက်ကို မော့ချကာ သေလေ
( ထိုပေပင်တို့သည် ယနေ့တိုင် သရေခေတ္တရာမြို့ရိုးအနီးရှိပြီး အပင်ပု အရွယ်မှ မတက်ကြသေးချေ။ အံ့ဖွယ်ပင် )
မင်းကြီးတွင် ဘုန်းကံ နိမ့်ပါးကြောင်းသိလျှင် ကမ်းယံပြည် အပါအဝင် အခြားလက်အောက်ခံမင်းများလည်း ထကြွ ပုန်ကန်ကြလေ၏။
မင်းကြီးကိုယ်တိုင် ပုန်ကန်မှုများကို နှိမ်နင်းသော်လည်း အရှုံးနှင့်ရင်ဆိုင်ရကာ ကမ်းယံပြည်မှ လက်လွတ်ပြေးရလေ၏။
ထိုသို့ပြေးစဉ် မိုးရွာလာသဖြင့် ကင်ပွန်းနွယ်များတက်နေသော တရော်ပင်ကြီး တစ်ပင်အောက်တွင် မိုးခိုရာ
ထိုတရော်ကင်ပွန်း အရည်များ မင်းကြီး၏ ဆံပေါ်ကျလျှင် ကျခြင်း လက်ထဲမှ လှံသည် ချက်ချင်းအရောင်ထွက်လေ၏။ နဖူးပေါ်မှ မှဲ့သည်လည်း ပြန်ပေါ်လာ၏။
မင်းကြီးလည်း အံ့သြဝမ်းသာဖြစ်ကာ တရော်ကင်ပွန်းအပင်များကို မှတ်သားပြီး မိမိ၏ တပ်သားများကို စိတ်ဓာတ်ရွှင်လန်းစေကာ ရန်သူများကို တိုက်လေ၏။
များမကြာမီ ရန်သူအားလုံးကို နှိမ်နင်းအောင်မြင်ပြီး သရေခေတ္တရာထီးနန်းကို ပြန်လည်စိုးစံလေတော့၏။
ဤနောက်တွင် မြန်မာတို့သည် တရော်ကင်ပွန်းအား ခေါင်းလျော်ရာတွင် ထည့်သွင်း၍ အသုံးပြုလာကြသည်။
မှတ်ချက်။ ။ခေါင်းလျော်သောအခါ တရော်ကင်ပွန်းများကို ခေါင်းလျော်ရုံသာမက နားတွင် သုတ်ခြင်း (ကောင်းသော အသံများ၊သတင်းကောင်းများ ကြားရစေရန်) ပါးစပ်တွင် သုတ်ခြင်း၊
(ကောင်းသောစကားများ ပြောဆိုမိရန်၊ မကောင်းသော အစာများ မစားမိစေရန်) စသည်ဖြင့် ပွတ်သတ်ပြီး ဘုန်းကံမြင့်မား တိုးတက်စေခြင်းအလို့ငှာ ဆုတောင်းကြစေလိုသည်။
Credit
