ပြည်တွင်းသတင်း

၈၈၈၈ က ကမ်းလိုက်တဲ့ အောင်လံနဲ့အတူ နွေဦးတော်လှန်ရေးဟာ ပန်းဝင်မှာပါ (မင်းကိုနိုင်)

၈၈၈၈ က ကမ်းလိုက်တဲ့ အောင်လံနဲ့အတူ နွေဦးတော်လှန်ရေးဟာ ပန်းဝင်မှာပါ (မင်းကိုနိုင်)

နွေဦးတော်လှန်ရေး စကတည်းကနေပြီးတော့ မိမိတို့ရဲ့ ကိုယ်စီ ကိုယ်စီ တန်ဖိုးတွေ လုပ်အားတွေကို ထဲ့ဝင်စိုက်ထုတ်လာခဲ့ကြတဲ့ အပေါ်မှာ အသိအမှတ်ပြုပါကြောင်း၊ ကျေးဇူးများတင်ပါကြောင်း၊ ဦးစွာပြောပါရစေ။ ၈၈၈၈ ကတော့

၃၄ နှစ် ပြည့်ခဲ့ပါပြီ။ မီတဲ့သူတွေလည်း ရှိသလို မမှီတဲ့ သူတွေလည်း ရှိပါတယ်။ ဒါပေမယ့် ဒီနေ့အထိ ပြည်သူတရပ်လုံးက အဲဒီ ၈၈၈၈ က စိတ်ဓါတ်မျိုးနဲ့ ဇွဲသန်နေကြတုန်းပါပဲ။

တော်လှန်ရေးတွေရဲ့ သဘောဟာ တကြိမ်တခါနဲ့ မပြတ်ရင်တော့ လက်ဆင့်ကမ်းရစမြဲပါ။ အခု ၁၉၆၂ ကစပြီးတော့ ဆဲဗင်းဂျူလိုင်ကစ လက်ဆင့်ကမ်းခဲ့ကြတာ ၇၄ ၊ ၇၅ ၊ ၇၆ ပြီးတော့ ၈၈၊ ပြီးတော့ မျိုးဆက်သစ်တွေရဲ့ ၉၆ ၊ ၂၀၀၇ ရွှေဝါရောင် စသဖြင့်ပေါ့၊ လက်ဆင့်ကမ်းခဲ့ကြတာပါ။

အဲဒီ အရေးတော်ပုံ တော်လှန်ရေးတိုင်းမှာ အဟောင်းမျိုးဆက်တွေက သူတို့ကျရာ တာဝန်ယူကြပါတယ်။ ၈၈၈၈ တုန်းကလည်း ဒီအတိုင်းပါပဲ သူက တော်လှန်ရေးတိုင်းမှာတော့ မျိုးဆက်သစ်က ရှေ့တန်းကတိုက်ရတာပေါ့ ဒါသဘာဝပေါ့။

ဒါပေမယ့် မျိုးဆက်ဟောင်းတွေက ဝန်းရံကြရတယ်။ သူတို့ကို ကူညီစောင့်ရှောက်ကြရပါတယ်။ အတွေ့အကြုံတွေ မျှရတယ်ပေါ့။ အခုလည်း ဒီအတိုင်းပါပဲ။ အဲဒီတော့ ၈၈၈၈ ဟာ ဘယ်လို အဆုံးသတ်ခဲ့လဲလို့ မေးစရာ တွေးစရာ ရှိပါတယ်။

နေဝင်ခဲ့တာလား ဆန်းစစ်စရာ ရှိပါတယ်။ မှတ်ချက်မျိုးစုံကိုလည်း တွေ့ရပါတယ်။ တကယ်တော့ နေဝင်ခဲ့တာ မဟုတ်ပါဘူး။ ပန်းဝင်ဖို့ နောက်ဆုံး လက်ဆင့်ကမ်းတာပါ၊ နောက်ဆုံး လက်ဆင့်ကမ်းတာပါ။ ဘာကြောင့်လည်းဆိုေ

တာ့ ဒီတခါ နွေဦးတော်လှန်ရေးက ပန်းဝင်မှာ မို့လို့ပါ။ အခုကျွန်တော်တို့မှာ ဒီတော်လှန်ရေး အောင်ဖို့အတွက် ရလဒ်ကောင်းတွေ ရှိတယ်လေ။ အခြေခံကောင်းတွေ ရှိတယ်။ ဘာတွေလဲ ဆိုတော့ ရွေးကောက်ပွဲရလဒ်ကတဆင့် CRPH ဖြစ်လာတာ ၊ CRPH ကနေပြီးတော့ NUCC ဖြစ်လာတာ။ အဲဒီကနေပြီးတော့ NUG ဖြစ်လာတာ။

အဲဒီကနေ PDF ပေါ်လာတာ။ ပြောချင်တာကတော့ ဘာပဲဖြစ်ဖြစ် ရွေးကောက်ပွဲ အနိုင်ရလဒ်ဆိုတဲ့ အရာဟာ ၈၈၈၈ ကနေပြီးတော့ ပါတီစုံဒီမိုကရေစီ စနစ်ကို အရောင်ပြသည် ဖြစ်စေ ရွေးကောက်ပွဲကို လုပ်ခဲ့ရတယ်။ အဲဒီမှာ ရလဒ်ကောင်းတွေ ရှိခဲ့တယ်။ ဒါကနေပြီးတော့ ဒီအခြေအနေ ရောက်တာကိုး။ အဲဒီတော့ မျိုးဆက်တွေဟာ ၊ မျိုးဆက်ဟောင်းတိုင်းဟာ သူတို့ရဲ့ မျိုးဆက် အသစ်တွေကို စောင့်ရှောက်ကာကွယ်ပေးခဲ့ကြလို့ အဲဒီကျေးဇူးတွေကို ၈၈၈၈ အခမ်းအနားမှာလည်း အမှတ်တရ ပြန်ပြောချင်ပါတယ်။ ဝန်းရံတဲ့သူ ရှိသလို ဦးဆောင်တဲ့သူ ရှိပါတယ်။

မျိုးဆက်အသစ် အဟောင်းတွေ တွဲချိတ်ပြီးတော့ ပြည်တွင်း ၊ ပြည်ပ ဒါတွေကို ယန္တယားအသီးသီးမှာ အားကောင်းမောင်းသန် သွားနေတာကို အမြဲသတိရကြပါ။ တိုက်ပွဲဝင်နေတဲ့ ပြည်သူများ ခင်ဗျာ။ မကြာခင်ကမှ စစ်ကောင်စီ

ကျူးလွန်ခဲ့တဲ့ ရမ်းကား ကြမ်းကြုတ်မှုတွေ အတွက် ခံပြင်းနားကျည်းနေကြမှာကိုလည်း နားလည်ပါတယ်။ သူရဲကောင်းတွေရဲ့ အမည်နာမကို ရွတ်ဆိုလိုက်တိုင်းမှာ သွေဖြန်းဖြန်းပူလာပြီး လက်သီးဆုပ် အံကြိတ်နေကြရမှာကိုလည်း နားလည်ပါတယ်။ တကယ်တော့ သူတို့ဟာ ယုံကြည်ချက်အတွက် အသက်ကို ပေးခဲ့ကြတာပါ။

အခုလည်း ဆက်ပြီးတော့ အကျည်းထောင်တွေထဲမှာရော စစ်ကြောရေး စခန်းတွေထဲမှာရော ၊ အသက်အန္တရာယ်ကို ခြိမ်းခြောက်ခံနေရတယ်။ အဲဒီကြားထဲကနေကို တိုက်ပွဲဝင်နေကြတဲ့ ကျွန်တော်တို့ ရဲဘော်များ ရှိပါတယ်။ သူတို့က သူတို့ရဲ့ ဆန္ဒတွေ ၊ သူတို့ရဲ့ ဘဝတွေကို ပြည်သူတွေ သိပါစေ ၊ ကမ္ဘာကြီး သိပါစေလို့ သူတို့တောင်းဆိုနေပါ

တယ်။ အဲဒါကို လက်ဆင့်ကမ်းလိုက်ကြရအောင်ပါ။ အားလုံးရဲ့ ချီတက် ဆန္ဒပြပွဲတွေမှာ ၊ လှုပ်ရှားမှု မှန်သမျှမှာ အဲဒီ အသက်အန္တာရယ် ခြိမ်းခြောက်ခံနေရတဲ့ ကျွန်တော်တို့ရဲ့ ရဲဘော်တွေရဲ့ ခံစားချက်နဲ့ ဘဝများ အနာဂါတ်များကို ဖေါ်ပြပေးကြပါ။ ကမ္ဘာကြီးကို ပြောပေးပါ။ စစ်ကောင်စီကို အဆက်ဖြတ် ၊ NUG ကို အသိအမှတ်ပြု ကူညီပါ။

သံအမတ်ကြီး ဦးကျော်မိုးထွန်းကို ပြည်သူ့ကိုယ်စား မြန်မာသံအမတ်ကြီးအဖြစ် ဆက်လက် အသိပြုပါ။ အမှတ်ပြုပါ။ ဒါက ကျွန်တော်တို့ ကမ္ဘာကြီးကို ရှင်းရှင်းလင်းလင်းတော့ ပြောရလိမ့်မယ်။ ကျွန်တော်တို့ဟာ ဖက်ဆစ်စနစ်ကို ဆန့်ကျင်တော်လှန်နေတာ ဖြစ်တယ်။ ပြောချင်တာက ဖက်ဆစ်ကို သွားပြီးတော့ နားချ ဖြောင်းဖျလို့တော့ မရပါဘူး။

သူ့ထက်ပို ကြီးမားတဲ အင်အားနဲ့သာလျှင် အနိုင်ယူ အမြစ်ဖြတ်ရပါလိမ့်မယ်။ အဲဒီ ဖက်ဆစ် စစ်ကောင်စီကတော့ ပြည်သူလူထု ကြောက်အောင် ၊ ခြောက်ခြားအောင် ၊ တုန်လှုပ်အောင် ၊ အညံ့ခံအောင် အမျိုးမျိုး ရက်စက်ပြမှာပဲ။ ဒါပေမယ့် ပြည်သူလူထုကတော့ အဲဒီလို လုပ်ပြတဲ့အခါမှာ လှိုင်းလုံးကြီးများလို တဖန်ရုန်းကြွလာပြန်တယ်။ ဒီတခါ ကမ်းခြေရောက်အောင် ဒီလှိုင်းလုံးကြီးများကို အားယူရပါလိမ့်မယ်။ အဲဒီတော့ လက်တွေ့ကျတဲ့ အလုပ်တွေကို လုပ်ပေးကြပါ။

စစ်ကောင်စီရဲ့ ရပေါက်ရလမ်း မှန်သမျှကို ပိတ်ဆို့ကြပါ ။ သံတမန်ရေး နည်းအရရော ၊ ဘဏ္ဍာရေး နည်းအရရော ၊ ပိတ်ဆို့ပါ ၊ တားဆီးပါ ၊ အဲဒီလှုပ်ရှားမှုတွေမှာ ပါဝင်ပေးပါ။ NUG နဲ့တကွ တော်လှန်ရေးရဲ့ အောင်ရာ ၊ အောင်ြေ

ကာင်းအတွက် ရန်ပုံငွေ လှုပ်ရှားမှုတွေက အစ နည်းလမ်းပေါင်းစုံနဲ့ ပါဝင်ပေးကြပါ။ လှူတာ တန်းတာ တခုတည်းကို မပြောပါဘူး။ အားလုံးရဲ့ ဉာဏ်ပညာတွေကို အပြည့်အဝ ထဲ့ဝင်ပေးကြပါ။ ဆက်ပြီးတော့ လက်ခြင်းချိတ်ပြီးတော့ ချီတက်ပေးကြပါ။ ပန်းပွင့်တဲ့ အလုပ်ကို ရိုးတံက လုပ်ပါလိမ့်မယ်။

အမြစ်က အမြစ်အလုပ်ကို လုပ်ရုံပါပဲ။ မြေသားနက်နက်မှာ ရေရှာထွက်ကြရအောင်ပါ။ ၈၈၈၈ က ကမ်းလိုက်တဲ့ အောင်လံနဲ့အတူ နွေဦးတော်လှန်ရေးဟာ ပန်းဝင်မှာပါ။ အရေးတော်ပုံ အောင်ကို အောင်ရမည်။ DNA

Leave a Reply

Your email address will not be published. Required fields are marked *